Wo Sakina Behan Thi Meri Lyrics – Shabih Abbas Arfi, Aizaan Abbas Arfi

Wo Sakina Behan Thi Meri
Wo Yateema Behan Thi Meri

Jiski Aaho Se Fat Ta Tha Mera Jigar
Jis Pe Rote The Zindan Ke Diwaro Dar
Khoon Kano Se Rehta Tha Jiske Rawa
Zakhmi Hathon Se Jo Tham Kar Pasliyan

Sar Jhukaye Hue Dar Pe Zindan Ke
Baithi Rehti Thi Sehmi Hui

Wo Sakina Behan Thi Meri
Wo Yateema Behan Thi Meri
Haan, Wo Sakina Behan Thi Meri
Wo Yateema Behan Thi Meri

Haye Apne Padar Ki Dulari Thi Woh
Baba Jaan Ke Liye Jaan Se Pyari Thi Woh
Unke Seene Pe Sone Ki Aadi Thi Woh
Subh-O-Ashur Tak Shahzadi Thi Woh

Baap Mara Gaya Khak Bistar Bani
Rukh Pe Gurbat Barasne Lagi

Wo Sakina Behan Thi Meri
Wo Yateema Behan Thi Meri
Haan, Wo Sakina Behan Thi Meri
Wo Yateema Behan Thi Meri

Ghut Chuki Thi Bahut Thak Gayi Thi Bahut
Baap Ki Yaad Mein Ro Rahin Thi Bahut
Usko Sone Na Deta Tha Zaalim Ka Dar
Jab Use Mil Gaya Apne Baba Ka Sar

Baap Ka Sar Liya Muh Pe Muh Rakh Diya
Aur Sada Ke Liye So Gayi

Wo Sakina Behan Thi Meri
Wo Yateema Behan Thi Meri
Haan, Wo Sakina Behan Thi Meri
Wo Yateema Behan Thi Meri

Bhaiyon Tum Ne Aane Mein Takhir Ki
Ghut Ke Zindan Mein Ghamzada Mar Gayi
Ho Na Payegi Wo Ab Kabhi Bhi Riha
Kaid Khana Hi Ab Uska Ghar Ban Gaya

Bebasi Hai Ajab Woh Waha Us Taraf
Jis Ki Nanhi Lehad Hai Bani

Wo Sakina Behan Thi Meri
Wo Yateema Behan Thi Meri
Haan, Wo Sakina Behan Thi Meri
Wo Yateema Behan Thi Meri

Log Kehne Lage Kya Hua Tha Use?
Kaun Se Dard Ne Mar Dala Use?
Bole Aabid Ye Sadma Mila Tha Use
Uske Baba Ke Qatil Ne Mara Use

Chot Is Zulm Ki Dil Pe Aisi Lagi
Dard Ne Saans Hi Rok Di

Wo Sakina Behan Thi Meri
Wo Yateema Behan Thi Meri
Haan, Wo Sakina Behan Thi Meri
Wo Yateema Behan Thi Meri

Aye Nadeem Eliya Hashr Barpa Hua
Roke Sajjad Ne Jis Ghadi Ye Kaha
Roz-O-Shab Jiska Jhula Jhula Ta Tha Mai
Apni Godi Mein Jisko Khilata Tha Mai

Haye Qismat Meri Mere Haathon Pe Hi
Usne Li Hichkiyaan Aakhri