Duvidha Song Lyrics – Lucke

Dukh Shuru The Mere Janm Se Pehle
Janm Se Pehle Meri Maut Intezaar Mein
Kaise Kahun Kahaniyan
Ab Suno Poori Lambi Kataar Me

Janm Hua Mera Jail Mein
Maa-Baap Ka Chehra Maine Dekha Nahi
Roti Rahi Maa Devaki
Judaai Mili Mujhe Bhet Mein

Mama Se Mila Uphaar Ye
Mere Maat-Pita Laachaar The
Chhah Bhaiyon Ko Maara Saamne
Aansu The Maa Ki Aankhon Mein

Vaise To Tha Bhagwan Main
Ajeeb Sa Ye Khel Hai
Mere Maat-Pita Mere Devta
Wo Dono Hi The Jail Mein

Kartavya Mile Mujhe Janm Se
Bachpan Beeta Sangharsh Mein
Jis Maa Ne Paala-Posha Mujhe
Usse Bhi Ho Gaya Door Main

Vidhi Ka Kya Vidhaan Tha
Kya Lekh Likha Tha Karmon Ka
Tum Theek Se Ro To Lete Ho
Main Ro Bhi Na Paaya Chain Se

Kehne Ko Main Sab Kuchh Tha
Main Raja Bhi Main Rank Bhi
Kashton Se Bhara Tha Jeevan Mera
Dukhon Ka Mere Ant Nahi

Khel-Kood Ki Umar Mein
Kartavya Mere Anek The
Chhudwana Tha Mere Maat-Pita Ko
Kai Barson Se Kaid The

Dharm Ke Chalte Karm Se
Wo Vrindavan Bhi Chhod Diya
Mathura Ki Un Galiyon Se Bhi
Apna Daaman Mod Liya

Vrindavan Ke Saath-Saath
Kismat Bhi Meri Rooth Gayi
Praanon Se Pyaari Meri Wo
Radha Rani Chhoot Gayi

Baansuri Ko Bhi Tyaag Diya
Sab Chhod-Chhaad Ke Door Gaya
Sudarshan Dhaaran Karke Kanha
Dhun Murli Ki Bhool Gaya

Dharm Bachane Ki Khaatir Ab
Hastinapur Ko Chala Gaya Main
Makhan Chori Karta Tha Kabhi
Nyaayadhish Ab Ban Gaya

Samay Ka Chakra Ajeeb Tha
Main Jeet Ke Bhi Haar Gaya
Dharm Bachane Wale Ko
Duniya Ne Kapti Bata Diya

Tarah-Tarah Ke Shraap Mile
Ashru Ki Boonden Sookh Gayi
Maa Gandhari Ke Shraap Se
Meri Dwarika Nagari Doob Gayi

Meri Bansuri Bhi Chhoot Gayi
Meri Dwarika Bhi Doob Gayi
Maine Kya Hi Paaya Jeevan Se
Jab Premika Hi Door Gayi

Vishraam Karne Leta Tha Main
Teer Pair Mein Aa Lagi
Tum Jeete Jindagi Chain Se
Mujhe Maut Chain Ki Na Mili

Maanav Ke Is Roop Mein
Maine Jaane Kya-Kya Dekha
Mere Vansh Ka Patan Dekha
Barbarik Ka Mastak Dekha

Draupadi Ka Cheerharan
Abhimanyu Ka Akaal Maran
Kurukshetra Ki Bhoomi Mein
Bhaari Bharkam Vidhvans Dekha